احلى سلام على احلى اعضاء وحشتونى جدااااا
موضوعى بقى النهاردة كلنا بنعانى منه هو الاعتداء على حرية الاخرين والتدخل فى شئون ملناش علاقة بيهااساسا ، وعدم
احترام اراء الآخرين ، والنميمة خصوصا البنات ههههههههه و يسلام بقى لو مجموعه بنات قعدين مع بعض مفيش احلى من كدة اللمه بتحلى بردو هههههههه طبعا دا مش معناه انى الولاد مش بينموا بالعكس طب دا كفايه التريقه اللى بيتريقوها على خلق الله ههههههه على اى حد حتى لو ماشي فى الشارع ومنعرفش عنه حاجة
بقت حاجة منتشرة وسخيفة قوى .وانا اقصد بكلمة التعدى على حرية وحقوق
الاخرين الحقوق الدينية والدنيوية .يعنى مثلا الراجل اللى بيشرب
سجاير فى اى مكان يدخله ،
دة واحد بيتعدى على حقوق الاخرين فى الراحة فى المكان اللى هما فيه، هما مش داخلين
عشان يتخنقوا او يتضروا صحيا.دى حاجه .
وحاجه تانيه .
الناس بقي اللى بتسأل فى اللى ملهاش فيه خالص
هو انت متجوزتش ليه لحد دلوقتى؟
هو انتى ماجلكيش عريس ولا ايه؟
هو انتى ليه بتحطى ميكاج؟
هو انتى مش محجبه ليه؟
هو انت ليه لابس كدة؟
هو انتى ليه ملبسيتش اسدال؟
هو انتى ليه بتكلمى زميلك دا واد رخم ؟
الست دى ماشية كدة ليه؟
هوالراجل دة لابس كدة ليه؟
ايه دة ايه حد فى الدنيا يلبس فويشا على اورنج؟ دة طبعا واحد بينم على واحد ميعرفوش اصلا .
هو ليه مش بيشترى هدوم كتير ويغير فى لبسه؟( ودى حصلت قدامى من غير مايعرف ظروف الشخص للى ادمه دا معاه
يجيب لبس كتير ويغير كل يوم ولالا)
دى اكيد بنت قليلة الادب طالما ماشية مع اولاد؟ (وطبعا ممكن تكونياعينى ماشية مع اخوها ولا خطيبها ولا جوزها )
هو انتوا ليه اتطلقتوا
ولما تيجى تتكلم فى الموبيل تلاقي واحد يجى يقولك بتكلمى مين بيقللك كنت بتكلم مين؟
هى ليه بتتكلم فى التليفون وهى ماشية فى الشارع ؟.. يا عم دى بتتمنظر علينا، آل يعنى محدش غيرها معاه موبايل.
على اساسا انه متأكد انها بتتكلم عشان تغيظه مثلا
انتى ليه تخينة اوى كدة ؟ (متخسي)
او انتى ليه رفيعه اوى كده ( متتخنى شويه )
مع ان اللى بيقول كدة دة ممكن يكون مفيش علاقة بتربطه بـ الى قدامه ابدا
انتى ليه صابغة شعرك اللون الغبي دة؟ (طبعا هنا مفيش احترام للاذواق خالص)
انت على فكره رأيك متخلف جدا؟
(هنا طبعا مفيش اى احترام للاراء ودى جملة بس مختصرة فى اشكال كتيره من الكلام اللى
مفيهوش اى احترام للاراء)
انت ليه مبتقولش السلام عليكم؟
ليه بتقول مساء الخير؟
دى بعض الجمل لو قعدت اقول فى جمل زى كده مش هنخلص
الجمل دى ممكن نقبلها من حد قريب اوى مننا
انما مش من اى واحد كدة يسأل فى اى
حاجة.
هى الناس نسيت كلام ربنا !
((( يَا أَيُّهَا الَّذِينَ آمَنُوا لا يَسْخَرْ قَومٌ مِّن قَوْمٍ عَسَى أَن يَكُونُوا
خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلا تَلْمِزُوا أَنفُسَكُمْ
وَلا تَنَابَزُوا بِالأَلْقَابِ
بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ ))
عاوزة بقى اعرف رايكم فى الكلام دا و الا انتو عارفين هههههههههههه
من مواضيع banota flower في المنتدى
0 الغذاء الصحى من فصيله دمك !!!!
الأحد فبراير 20, 2011 1:21 am من طرف 
