لطفى:ممكن اسأل حضرتك سؤال
ميس عفت:اتفضل
لطفى:حضرتك بتدرسى فى المنطق بقالك كام سنه
ميس عفت:عشر سنين ولسه كمان عشر سنين
بهجت:ليه انتى بتاخدى كام جنيه فى الشهر
ميس عفت:خمسه وعشرين جنيه
بهجت:خمسه وعشرين جنيه فى الشهر؟
ميس عفت:اه
مرسى:وبعد الضرايب والحاجات دى؟
ميس عفت:واحد وعشرين جنيه
بهجت:طيب وهو من المنطق برضه
ان الواحد يضيع عمره كله فى المنطق
علشان واحد وعشرين جنيه ؟
مرسى:نبقى هبل
انا باخد من ابويا 3جنيه فى اليوم ومن غير ما اذاكر المنطق ده
ومش مكفينى
ميس عفت:ده كلام سليم ومعقول
بهجت:انا عايز اجابة والا هيكون يوم منيل على دماغنا بقى بستين نيله
ميس عفت:انتوا لازم تعرفوا ان العلم لا يقدر بمال ابدا
-------------------------
ده مشهد من مسرحيه مدرسة المشاغبين بعد ما كنت بتفرج على المسرحيه وعدى عليا المشهد ده قعدت اعيد فيه مره واتنين وتلاته اتضح لى ان المسرحيه كلها بالرغم من انها كوميديه بس بتخبى وراها حاجات كتير وبتحاول تكشف لنا حاجات كتير ومن ضمنها المشهد ده اللى بيحاول يبين لنا ان العلم لاقيمة له بدون مقابل حبيت آخد رأيكم ايه رأيك انت فى دراسة المنطق عشرين سنه ؟وفى الاخر صحيح مش هتاخد ال 21 جنيه لكن هتاخد 210 جنيه فى حين ان واحد زى مرسى وبهجت بياخدوا قد مرتبك عشر مرات من غير ما حتى ما يفكروا هما عايشين ليهه و صحيح العلم لا يقدر بمال زى ما قالت عفت ولا العلم لا يكيل بالبتنجان زى ما قال بهجت !
الأحد فبراير 20, 2011 1:21 am من طرف 
