يمكن كتير مننا اتكلم عن الموضوع ده
اهلا رمضان
ولازم نسخن كويس لرمضان علشان مش ييجى لينا شد عضلى فى الوسط
عمالين نتكلم زى كل سنة
وزى كل سنة
هعمل كذا وكذا
وزى كل سنة تكون البداية موفقة
وزى كل سنة
تبدا الهمة فى الهبوط من اليوم التالت
او الرابع او الخامس
حتى ان جاء العشر التانية من الشهر
نشعر جميعا بطول الشهر
ورغبة قاتلة فى انقضاءه سريعا
حتى وان جاء العشر الاوخر
او بالتحديد ليلة السابع والعشرين على اعتبار قد يكون خاطئ بانها ليلة القدر
ويبقى كده خلاص الشهر خلص
ده ملخص للى انا عملته السنة اللى فاتت
واللى ممكن يكون متوافق مع كتييييييييييير منكم
لكن اذا كان رمضان شهر للطاعة وانت مش قادر تعملها او كسلت تعملها او حسناتك كترت اوى فاكتفيت او ليك ناس اوهموك ان كده كفاية عليك ولا يكلف الله نفسا الا وسعها وان باذن الله عملك مقبول وهو كاف لدخولك الجنة
فلتكف عن المعصية وعن تضييع وقتك فى كلام مالوش معنى او على الاقل مالوش اى اهمية
وعلى راس تلك الاشياء عديم الفائدة او بالاصح جالبة للضرر
المسلسلات
لو اتكلمنا كأقتصاديين
فهنلاقى ان المسلسلات دى لا تخدم الا طبقة واحدة من المجتمع اللى هيا الطبقة الغنية اصلا
بمعنى تانى
لو تكلفة المسلسلات دى كلها
بلاش كلها نقول نصها
اتوجه فى اى خدمة للبلد اظن هيكون نفعها احسن
لكن للاسف ميزانية المسلسلات بتزيد عام بعد عام والممثل مش بيكتفى بعمل واحد
وكمان بتشهد دخول اعضاء جديدة من مغنيين ونجوم تظهر لاول مرة
انا خلصت كلامى
الأحد فبراير 20, 2011 1:21 am من طرف 
